This is a new service. Your feedback will help us to improve it.

Newsletter and website copy

Text in Gaelic about the census that you can use on your website or newsletter.

Tapadh leat gu dearbh airson taic a chur ri iomairt Cunntas-sluaigh na h-Alba, tha do chuid taice gar cuideachadh gus ruigsinn air uimhir a dhaoine is a ghabhas air feadh Alba, agus dèanamh cinnteach gum faigh iad cluas ri èisteachd.

Cuir a-steach an t-susbaint gu h-ìseal san ath chuairt-litir, làrach-lìn, alt naidheachdan no meòrachan air an taobh a-staigh agaibh. Gheibh thu dealbhan an cois an fhiosrachaidh seo an seo.

Moiteil taic a chur ri Cunntas-sluaigh na h-Alba.

Is e Cunntas-sluaigh na h-Alba an cunntas oifigeil air a h-uile neach agus teaghlach anns an dùthaich.

Thathar ga chumail a h-uile 10 bliadhna mar as trice. Bidh an cunntas-sluaigh a’ faighneachd mu dheidhinn aois, gnè, dachaigh agus suidheachadh a thaobh còmhnaidh, cosnadh, foghlam agus uidheamachadh dhaoine, cho math ri cinnidheachd. Feumaidh a h-uile teaghlach ann an Alba an cunntas-sluaigh a lìonadh a-steach agus le bhith ga dhèanamh tha iad a’ cuideachadh gus cruth a chur air Alba san àm ri teachd.

Tha lìonadh a’ chunntais cudromach seach gun toir na freagairtean am fiosrachadh do Riaghaltas na h-Alba agus tòrr luchd-solair sheirbheisean eile a tha a dhìth orra gus co-dhùnaidhean cudromach a ghabhail a bhios a’ bualadh air beatha dhaoine agus air na coimhearsnachdan aca. Am measg nan co-dhùnaidhean seo tha mar a thèid airgead a chosg air seirbheisean cudromach leithid foghlam, taigheadas, cùram-slàinte, rathaidean agus rathaidean-iarainn, agus tòrr a bharrachd.

Bho dheireadh a’ Ghearrain 2022, tòisichidh teaghlaichean a’ faighinn litir le stiùireadh air mar a lìonas iad a-steach an cunntas aca air an Lìon.

Is e Là a’ Chunntais Didòmhnaich 20 Màrt, ach faodaidh tu a lìonadh a-steach cho luath agus a gheibh thu an litir agad. Dìreach feuch an toir thu freagairt air na ceistean le fiosrachadh a bhios ceart air 20 Màrt gus a dhèanamh cinnteach gu bheil dealbh againn den dùthaich air an là seo.

Rach gu census.gov.scot no fòn an loidhne-chuideachaidh an-asgaidh air 0800 030 8308 airson cuideachadh is stiùireadh air na ceistean, no ma bhios taic a dhìth ort gus a lìonadh a-steach.